کراچی سے نمائندہ خصوصی ثناءاللہ کاکڑ کی رپورٹ کے مطابق
کراچی کے علاقے سہراب گوٹھ ٹاؤن سے ایک اہم سیاسی پیش رفت سامنے آئی ہے، جہاں حلقہ پی ایس-97 میں پاکستان پیپلز پارٹی کو نمایاں تقویت حاصل ہوئی ہے۔ مختلف سیاسی جماعتوں سے تعلق رکھنے والے کارکنان نے پیپلز پارٹی میں باقاعدہ شمولیت اختیار کرلی ہے، جس سے مقامی سطح پر پارٹی مزید مضبوط ہوتی دکھائی دے رہی ہے۔
تفصیلات کے مطابق، اس موقع پر پی ایس-97 کے صدر اور چیئرمین سہراب گوٹھ ٹاؤن لالا عبد الرحیم اور ضلع شرقی کے سینئر نائب صدر سرور خان غازی نے نئے شامل ہونے والے کارکنان کا پرتپاک استقبال کیا۔ انہوں نے پارٹی میں شامل افراد کو خوش آمدید کہتے ہوئے اس عزم کا اظہار کیا کہ پارٹی عوامی خدمت کے مشن کو مزید تیز کرے گی۔
پیپلز پارٹی میں شمولیت اختیار کرنے والوں میں صمد بڈانی، میاں محمد عمران، محمد کامران، شاہنواز، مبشر بٹ، خالد محمد گجر، اشرف بھٹی، قاری اشرف، ناصر آرائیں، علی گل بڑو، شہباز علی ابڑو، ملک شفیق، طفیل امدانی، رمضان بھٹی، ابرار سومرو، امین بھائی، کاشان گوپانگ، نعمان جتوئی، عدیل پٹواری، اقرار لاشاری، محمد فرحان ملک، شایان مشتاق، قادر برفت، حسنین خالد اور نوید آرائیں سمیت دیگر افراد شامل ہیں۔
تقریب سے خطاب کرتے ہوئے رہنماؤں کا کہنا تھا کہ یہ شمولیتیں اس بات کا واضح ثبوت ہیں کہ عوام کا اعتماد پاکستان پیپلز پارٹی پر بڑھ رہا ہے۔ ان کا کہنا تھا کہ سہراب گوٹھ ٹاؤن میں جاری ترقیاتی منصوبے اور عوامی خدمت ہی پارٹی کی مقبولیت کی اصل وجہ ہیں، اور یہی وجہ ہے کہ مختلف جماعتوں کے کارکنان پیپلز پارٹی کا حصہ بن رہے ہیں۔
انہوں نے مزید کہا کہ پارٹی قیادت کا وژن ہے کہ پی ایس-97 کو ایک مثالی اور مضبوط عوامی حلقہ بنایا جائے، جہاں عوام کے مسائل کو ترجیحی بنیادوں پر حل کیا جائے اور ترقیاتی کاموں کا دائرہ مزید وسیع کیا جائے۔
اس موقع پر چیئرمین یوسی 6 سید شاہد حسین، چیئرمین یوسی 8 سید بلال آغا، جنرل کونسلرز مرزا خان اور نوید راجپر، فوکل پرسن عبید عثمانی، راجہ ذیشان ساجد، آصف رحمانی، وسیم آرائیں اور خدائے داد خان سمیت دیگر بلدیاتی نمائندگان اور کارکنان کی بڑی تعداد بھی موجود تھی۔
تقریب کے دوران نئے شامل ہونے والے کارکنان کو پارٹی پرچم پہنائے گئے، جبکہ پارٹی قیادت کی جانب سے ان کے لیے نیک خواہشات کا اظہار بھی کیا گیا۔
رہنماؤں نے اس عزم کا اعادہ کیا کہ آئندہ دنوں میں مزید افراد کی شمولیت سے پاکستان پیپلز پارٹی نہ صرف اس حلقے بلکہ پورے شہر میں مزید مستحکم ہوگی۔
ناظرین، یہ تھی کراچی کے سہراب گوٹھ ٹاؤن سے ایک اہم سیاسی خبر
About The Author
