آئی سی سی چیئرمین جے شاہ نے دوبارہ ملی ذمہ داری پر کہا کہ ’’آئی سی سی بورڈ نے مجھ پر جو بھروسہ دکھایا ہے وہ میرے لیے باعث فخر ہے اور میں تمام ڈائریکٹرز کی مسلسل حمایت پر ان کا تہ دل سے شکرگزار ہوں۔ آئی سی سی چیئرمین کے طور پر کام کرنا ایک خوشی اور ذمہ داری دونوں ہے۔ میں دنیا بھر میں کرکٹ کے مفادات کو آگے بڑھانے کے لیے اپنے ممبرز کے ساتھ کام کرنے کے لیے پرعزم ہوں۔‘‘ ساتھ ہی انہوں نے کہا کہ ’’ہماری ذمہ داری صرف کامیاب ایونٹس کی فراہمی تک محدود نہیں ہے۔ ہمیں شائقین، ایتھلیٹس، کمرشیل پارٹنرس اور دیگر اہم اسٹیک ہولڈرز پر توجہ مرکوز کرتے ہوئے کھیل کے لیے ایک مضبوط اور زیادہ پائیدار مستقبل بنانا ہوگا۔‘‘
