اسپورٹس خبریں

ہندوستانی فوج نے اب لاس اینجلس اولمپکس 2028 کو اپنے کھیلوں کے پروگرام کا اہم ہدف بنایا ہے۔ دولت مشترکہ اور ایشین گیمز میں کامیابی کے بعد کھلاڑیوں کی انفرادی ضروریات کے مطابق تربیت، کارکردگی میں بہتری، سائنسی تیاری اور مستقبل کے تمغہ جیتنے والوں کی نئی نسل تیار کرنے پر زور دیا جائے گا۔ فوج کے سربراہ جنرل دھیرج سیٹھ نے اعتماد ظاہر کیا کہ فوجی کھلاڑی اپنے عزم، نظم و ضبط اور بہترین کارکردگی کی بدولت آئندہ بھی ملک کا وقار بڑھاتے رہیں گے۔ ہندوستانی فوج کا مقصد کھیلوں کی صلاحیتوں کو نکھارنا، بین الاقوامی سطح کے چمپئن تیار کرنا اور ہندوستان کو دنیا کی سرکردہ کھیلوں کی طاقتوں میں شامل کرنے کی کوششوں میں اہم کردار ادا کرنا ہے۔